Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 5.40 | Joseph. BJ 5.47 (English) | >>Joseph. BJ 5.53 |
5.44δισχίλιοι μὲν γὰρ αὐτῷ τῶν ἀπʼ Ἀλεξανδρείας στρατευμάτων ἐπίλεκτοι , τρισχίλιοι δὲ συνείποντο τῶν ἀπʼ Εὐφράτου φυλάκων .
5.45φίλων δὲ δοκιμώτατος εὔνοιάν τε καὶ σύνεσιν Τιβέριος Ἀλέξανδρος , πρότερον μὲν αὐτοῖς τὴν Αἴγυπτον διέπων ,
5.46τότε δὲ τῶν στρατευμάτων ἄρχων , κριθεὶς ἄξιος ἐξ ὧν ἐδεξιώσατο πρῶτος ἐγειρομένην ἄρτι τὴν ἡγεμονίαν καὶ μετὰ πίστεως λαμπρᾶς ἐξ ἀδήλου τῇ τύχῃ προσέθετο , σύμβουλός γε μὴν ταῖς τοῦ πολέμου χρείαις ἡλικίᾳ τε προύχων καὶ κατʼ ἐμπειρίαν εἵπετο .
5.47
-- -- οὗτοι δὲ πρὸ τῶν μηχανημάτων , κἀπʼ ἐκείνοις μετʼ ἐπιλέκτων χιλίαρχοι καὶ σπειρῶν ἔπαρχοι , μετὰ δὲ τούτους περὶ τὸν αἰετὸν αἱ σημαῖαι , καὶ ἔμπροσθεν οἱ σαλπικταὶ τῶν σημαιῶν , ἐπὶ δὲ τούτοις ἡ φάλαγξ τὸ στῖφος εἰς ἓξ πλατύνασα .
5.49τὸ δʼ οἰκετικὸν ἑκάστου τάγματος ὀπίσω καὶ πρὸ τούτων τὰ σκευοφόρα , τελευταῖοι δὲ πάντων οἱ μίσθιοι καὶ τούτων φύλακες οὐραγοί .
5.50προάγων δὲ τὴν δύναμιν ἐν κόσμῳ , καθὰ Ῥωμαίοις σύνηθες , ἐμβάλλει διὰ τῆς Σαμαρείτιδος εἰς Γόφνα κατειλημμένην τε πρότερον ὑπὸ τοῦ πατρὸς καὶ τότε φρουρουμένην ·
Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
<<Joseph. BJ 5.40 | Joseph. BJ 5.47 (English) | >>Joseph. BJ 5.53 |